到底小朋友要唔要用智能手錶? – DokiWatch

作為一個Geeker Papa, 真係由細到大都唔怕小朋友玩電子產品, 我個仔都算迷iPad,但因為一直都任佢玩,所以唔怕叫佢唔停, 因為佢知道我一定會畀佢用…

不過我手機就一直都唔畀佢玩, 因為始終太細部, 傷眼。一個4,5歲的小朋友, 其實對移動通訊早就好習慣, 但買部電話畀咁細個小朋友真的太超過, 所以一直都有嘗試找/買通訊型手錶畀佢用(我唔會叫佢智慧型手錶~_~), 計埋唔算多, 3隻啦, 頭兩隻都係小米的, 功能好夠用, 可以知距位置, 可以打電話畀我, 我又可以打畀佢, 又可以語音互通消息, 仲有得群聊, 其實好夠用, 又好玩。

但佢哋都有一個共通點, 就係不能在澳門用…真係超白痴, 哈哈, 我哋都係向啲澳門偏遠邊界用到佢哋。一直以嚟都想找一隻支援中港澳台電訊公司的手錶, 最後搵到佢- DokiWatch. 去片

原本在Kickstarter的產品, 在香港出發, 現在以支援全世為目標。因為有前兩隻嘅經驗丁丁佢好易就上手,而且這個牌子有黑色,唔知點解小朋友啲錶,好多時都係七彩的,但就係無黑色同白色,其實真係好難襯衫,但DokiWatch唔同,隻黑色真係好大方得體。

 

 

 

咁當然啦,好多人話小朋友日日翻學,隻錶都係浪費架啦,係有少少,但其實又唔係,本身佢可以set上堂嘅時候自動關起咗通訊功能,放學又可以打畀父母啦,咁又再退多幾步,咁細個翻學就咪鬼帶啦,等佢小學先啦,其實都得,但有樣嘢叫放假同去玩,為咗試下佢真係咪真有用同好唔好用,我哋就同丁丁去咗迪士尼測試下隻錶得唔得。

向淘記買咗三張5日任用上三個仔加埋都唔洗100人仔,SIM卡用CMHK 中國移動香港,有LTE,可以打電話同留言同視像通訊,但有樣嘢大家要注意,就係依隻錶視像用數據,語音用通訊分鐘,而且設定上要小心,因為手錶只能綁定一個帳號(媽媽),但可以加副號(爸爸),而你去咗外面玩就更加要小心,因為好多時都係到咗先知號碼未必記得加,所以通訊時都係用數據流量的。

大家都知小朋友運動量大,但其實係幾大呢?睇咗上面條片都知佢同其他小朋友錶一樣都係有得用步數嚟飼養電子寵物,我個仔都算好動架啦,玩咗幾日都係8萬步啫XD。有時佢仲會因為想佢快啲大跑來跑去,真係放電神器。

其實隻錶仲有啲功能未用到,好似交朋友,可能就要等佢大過少少同埋或者多人用先得了。

不過…

一次翻大陸嘅探親之旅就畀丁丁漏抵咗隻表向的士…而且,大家都應該睇到,隻錶咁啱又唔記得充電,所以見紅,想打電話去隻錶個時,就已經無電了…

結果就係成個假期都無得用…

最後都要畀翻啲優缺點畀大家參考下:

先講優點:

  1. 可以用不同地區嘅SIM卡;
  2. 顏色無咁單調,而且都好靚;
  3. 界面反應快,易於操控;
  4. 有Video Call;
  5. 定位準確(但有點慢)。

其實缺點也不少:

  1. 不防水,國內的很多都防水;
  2. Video Call 要廣角一點啦,現在很難睇到使用者個樣;
  3. 錶帶比較硬,設計不好,易甩😭所以咪唔見咗囉;
  4. 語言訊息沒有家庭群聊,但這個可以軟件更新解決;
  5. 電力不太夠用,兩天真係唔夠,起碼一星期啦;
  6. 有點少貴-但現在你去 Life by Original 講我介紹就有9折。

係廣告,但澳門你搵唔到第二個地方有得賣😜。


 

Facebook 留言

則留言