嚴選各大 澳門巴士指南

Macau Bus stop

又到一年一度澳門大賽車,如果你返工返學都係坐巴士,出門前不妨睇睇呢個Post,希望幫到你,唔駛遲大到啦~~(謎之聲:澳門大賽車唔想遲到仲信巴士,行啦喂,仲坐~~)

乜都未講之前,小編都唔想浪費你時間。如果你今日真係要坐巴士出門,為免影響你的快樂出行,你都係睇左以下呢個由交通事務局所出的賽車期間巴士路資的最新資訊先~~至於黎緊要介紹的Apps,試左下架啦,無邊個App專為大賽車更改左路線,一間睇完個Post 搭錯車,又或者係邊度塞死左遲大到,千祈唔好入小編數。

賽車期間巴士路線資訊《《按我

講返正題,澳門巴士指南 App ,輕輕搵下各大App Store,真係有唔少,以下就選左不同領域講講啦。

資訊最新最齊 DSAT 官網 App,我深信係咁多澳門政府官方出的App 佢的使用量應該係數一數二架啦,無它啦,佢不單只有澳門的巴士,仲有停車場,路面實況同實時推送等⋯⋯ 仲有澳門的交通大家明,邊有可能唔用下佢呀,佢資料因為係官方,始終都係最多最齊,好似現在大賽車呢個case,最好都係裝返佢睇睇先出門

dsat_logo

DSAT iOS 下載連結

DSAT Android 下載連結


 

下個要介紹,其實都唔駛多介紹架啦,係Google 大神出的Google Map,無記錯,佢係今年年中先加入左澳門巴士路線的資料,(真係記錯左,原來維澳蓮運俾料的,而家好似仲無人更新添。So Sad). 所以你想去邊度,用佢啦,坐巴士,行路,開車,佢都話曬你聽點行,時間大約幾耐等,無得輸架啦~~如果咁唔好彩你現在塞緊車,不妨下個站落車,跟住Google Map建議的步行路線,行返工啦~~綠色出行呀~~

google_map

Google Map iOS 下載連結

Google Map Android 下載連結


 

第三個要介紹的,係最輕量,最本土化的巴士指南 busnwalk, 佢係Mlocal 作者的另一個項目(有關MLocal可睇:用血肉整理的網站 MLocal),所以佢繼承左MLocal 最血肉的店舖資訊,最適合你只知道你要去地方的A-B點店名,佢就會列出有關的資訊,要行幾耐,坐咩車或點轉車,功能你會見同 Google Map 差唔多,但佢出黎的建議時間同巴士路線都會同 Google 的有少少唔同,事關作者又用佢血肉的身驅自己實測過,真係好熱血。

busnwalk

Busnwalk 網站:http://busnwalk.com


最後介紹的,可以話係澳門最好的巴士指南,功能最全面的巴士指南,佢不單止有曬之前所介紹的Apps 的重點功能,仲可以紀錄你出行的軌跡,同睇返最近五個鐘交通事務局的推信消息,最最重要就係有離線地圖,真係連外國人黎到澳門一下子上唔到網都仲用到,咁貼心又用心的功能,真係要讚,但可惜的係佢無iOS 版本,只有Android 用戶專享~~

locmacau

澳門巴士出行易 Android 下載連結

講左咁多個 Apps 希望你睇完己經去到你想去的目的地,而且呢D Apps真係幫到你啦~~

Facebook 留言

則留言