澳門, 真係與別不同!

澳門極客之前懶咗咁耐唔出文,其實都係因為澳門冇乜好吹我地懶,不過!今日要觸動到我出文,原因?真係覺得澳門 IT 真係好無出色有特色!

2016年4月30日下午,五一黃金周前夕,澳門各出入境口岸故意隊冧電腦系統,終於成功令口岸出現人潮,大陸到澳門嘅旅客可以由入關開始就感受到比平時更濃的人味,全程人手服務,再唔會有冷冰冰嘅電腦系統將旅客與澳門海關人員隔開,真係好滾動!

20160430-澳門口岸電腦故障
20160430-澳門口岸電腦故障

不過,單係對國內同胞咁nice,澳門人就算幾大方都係會妒忌的!所以,澳門通與西洋街都為大家準備好歡渡黃金周嘅大禮:

西洋街 - 預售 Rubber Duck黃色小鴨澳門通一套(內含2款)包郵
西洋街 – 預售 Rubber Duck黃色小鴨澳門通一套(內含2款)包郵

喂!黃色小鴨喎!作為澳門第一個電子支付澳門第一電商,可以賣到自家製的澳門特產黃色小鴨澳門通,澳門人一定想私藏返一套啦!於是,澳門極客駐澳門特派員決定出手,同大家一齊睇下到底澳門第三方支付同網購有幾威威!

咦?點解澳門西洋街,係…. 簡體字嘅?立即购买!

简体字真系令人有淘紧宝既感觉,无得输!
简体字真系令人有淘紧宝既感觉,无得输!

哦,要登录要注冊,好正常丫,填下手机号同密码先… 咦喂,好似怪怪的?

大家來找碴,呢個畫面有咩唔妥?
大家來找碴,呢個畫面有咩唔妥?

俾3秒鐘大家諗下,呢個畫面有咩唔妥?

3…

 

 

2…

 

 

1…

 

 

我唔應該打手https
我唔應該打手https

原來,打密碼嗰啲咁兒戲嘅嘢,係唔需要 https 加密連線架!加密咗,無人知道你個密碼,咁邊個可以代你管理呢?澳門極客呢啲懶巴閉嘅劣質網頁,學埋曬啲谷歌、面書呢啲外國勢力咁行 https 加密連線,擺明就係唔相信無私嘅人民、唔相信偉大嘅政府!

喺明文傳輸底下,我地感受到澳門眾人注目嘅濃濃關心之情,填地址都份外有信心:

好貼心~
好貼心~

哦,唔填區域,明白曬...

咦喂...
咦喂…

乜咁既?

......
……

得!我明!我唔應該死充!俾錢啦,好心急!

M+Pay? 唔係好熟
M+Pay? 唔係好熟
喂, 又話唔用加密連線嘅?
喂, 又話唔用加密連線嘅?

點呀,咁煩嘅?咁支付宝囉...

喂喂喂!
喂喂喂!

而家想點呀,澳門人唔係中國人呀?用 M+ Pay 囉...

又要實名認證
又要實名認證
美好生活我來了!
美好生活我來了!

快啲攞部手機出嚟 Download 先!

乜唔係 AppStore ...
乜唔係 AppStore …

AppStore 呢啲咁落後嘅科技,要5月31日先發佈?啲黃鴨到時都變曬臘鴨啦!唯有完全信任 M+ Pay ...

不要怕!這不是惡意軟件!(大概是吧)
不要怕!這不是惡意軟件!(大概是吧)

小朋友,平時看到這個畫面千萬不要學哦!很多很多 iOS 的惡意軟件就是這樣裝進去的~~ 但本著澳門極客精神,本人不惜以身犯險一定要相信 M+!

怎麼了...
怎麼了...

掘頭路咗...最後都唔知點先俾到錢。(淚奔/已經唔記得點解要嚟買嘢)

唯有返轉頭,睇下 M+ Pay 有幾威威:

改唔到密碼添
改唔到密碼添

點改密碼好呢?Chrome 呢啲咁劣質嘅瀏覽器,唔支持好正常丫~去手機先….

我篤篤篤篤篤篤篤...
我篤篤篤篤篤篤篤...

其實… iOS 呢啲咁劣質嘅瀏覽器,按極都冇反應,都好正常丫!睇下西洋街:

冇加密連線,帐户都可以好安全㗎
冇加密連線,帐户都可以好安全㗎

唔,有西洋街獨有嘅科技加持,加密連線根本冇必要,帐户一樣好安全!

我走先啦!

買嘢?買咩呀?搞咁耐,都唔記得自己要買咩啦!下次見!

 

Facebook 留言

則留言