上次介紹左按分類去搵澳門商戶的手機App 「澳指南」(想回顧可睇返呢度: 澳指南，居民遊客兩相宜)

今次介紹的當然係上次透露左的 MLocal 啦，佢係一個收集左澳門本地商戶的目錄網站，

大家可以先去佢個網站睇睇 http://www.mlocal.biz

無錯成個站，一張圖都無，只有黑白灰做的一個網站，但唔好睇少佢，你試下入你熟識的一間澳門商戶名，

佢馬上就會搵到，仲詳細列名佢個地址，電話，網站，營業時間，仲有最正的係，附近有咩停車場，同同類商戶等。

係澳門人都知道，澳門地方細細，但要開車去一個地方最煩的就係車位，有時真係要諗左車位先可以決定去唔去。

所以呢個簡單的功能，真係為澳門人以設。配合上次介紹的「澳指南」係澳門想去邊真係無難度～～ 搵一搵先出發，

方便又唔驚係 D 橫街窄巷搵唔到你想搵間舖啦～～

(謎之聲：回水呀～～咁耐都未講點解呢個叫血肉整理的網站) 係啦係啦，你都要俾我介紹左我介紹的主題先嘛，

至於血肉，其實筆者同呢個網站的擁有人係舊同事關係，我睇住佢一步步將呢個網站建立，我講的一步步唔係話咩，

係我呢位舊同事用佢對腳一步步行出黎，自己每日工餘時間(曾經唔要份正職，訓身做㖭)，一條條街咁掃，

一間間舖咁去收集資料同整理，所以你每日去呢個網站，都會見到有商舖增加同update。

咁未好傻囉，一間間舖行好唔Geek呀喎，呢個問題我都同呢位舊同事傾過，佢俾我個結論係，

如果你認真了解過澳門，你就會明，澳門地藉局(簡稱左) 佢地有一個澳門專用的地圖，但其實如果你認真睇，

佢D 街名係準，街號就真係麻麻地啦 都好準，但顯示結果係highlight 整幢建築物。就算真係俾你搵到，其實所以真係無咩用，配合唔到現今的google map或其他map。

好啦，俾你抽到個地址或坐標出黎放入google map，準確度真係好有限，澳門差10米，就可能差三條街啦～～

就係為左呢個準確度，我呢位充滿傻氣，但又有志氣的舊同事，用左好幾年的時間，將呢個網站一步步建立。

所以我話呢個網站係用血肉整理出黎。

以下係我特意叫我位舊同事，俾張佢私人珍藏的筆記，睇下佢平時係點記錄呢D 商戶資料的～～

最後讚完佢一輪的苦心，有等我彈下佢先

首先要講下個附近停車場功能，如果可以即時拿到DSAT 內的停車場數據顯示係旁邊，我諗呢個資訊就更有用啦。

另外如果加多個好似「澳指南」的導航功能，咁仲正斗呀，諗諗佢～～

再黎，就係佢呢份傻氣啦，其實可以試下交俾人地隻手，如整個Mobile App (可能Web App都得)，等有意加入的商戶，

自己係自己的舖頭門口吉返個大頭針係你個App 到，咁未又準，又唔駛行得咁辛苦囉～～

唔知呢D意見幫唔幫到的呢位舊同事，各位不妨bookmark左個人site，

又或者張個site變做呢手機的web app, 用起上黎好方便架～～

網址：http://www.mlocal.biz

更新

10-Nov 14:00 ：篇野出左街，我位舊同事搵返我，所以我整理左一下內容，另外節錄返佢的回覆，大致講返原因點解佢要血肉制作MLocal, 亦說明左地籍局點解配合唔到佢的網站內容，值得參考同大家討論下～～

MLocal 站長回覆：
1. GPS

啱啱開始mlocal時, 試過用手機(當時用HTC Desire)嘅GPS取得座標, 發覺係樓宇密集嘅地區唔多準. 來自Foursquare, Instagram, Facebook等嘅位置資料也不太準確.
2. Geolocation，如果有完整地址(即有街道名稱及街號)

* Google Maps返回的座標的準確率超過80%, 錯誤的原因主要是複雜街號如羅利老馬路’1AA’, ‘1AB’, ‘1AC’, 以及相同名稱的街道如’佛山街’, ‘氹仔佛山街’.

* 地籍局返回的座標是100%準確的
Google Maps及地籍局返回的座標都是建築物中心點. 當我進行project busnwalk(黎緊會介紹佢)時發現建築物中心點座標結合Google Directions API使用時效果非常差, 驚覺應該要收集建築物正門口座標, 而不是只收集整坐建築物的中心點座標.

所以，我收集商戶資料的流程，首先收集商戶的完整地址, 如果不能從互聯網或報章雜誌獲得, 便會實地收集, 通過地籍局網頁(http://webmap.gis.gov.mo)以及Google Maps工具(http://ngsiolei.github.io/map-tools/1.html)
把地址轉換為建築物門口座標.

Facebook 留言

則留言