2017年,你都買了些什麼?

唔經唔覺,咁快就過左一年,喺呢一年裡面,到底買咗啲咩呢?

作為Geeker,梗係科技嘢,3C 嘢為主啦,我哋唔勸敗,只點評,我哋幾個極客,不負責任票選2017嘅心頭好,唔用過唔試當然唔會推介畀你啦。

即刻嚟睇吓我哋澳門極客心水龍虎榜!

-----------------

沙律:

正評

AirPods, 日日跟身,用足一年少一日都唔聚財

Switch, 仲未打爆隻 zelda, 希望2018 中文版出後再有時間玩

Huawei Mate 10, 雙卡雙4G, supercharge 加電力爆燈,唔用 iPhone 短短一個月黎講,佢真係唔錯 小米淨水器厨下式,入手兩件,日日用還算安心舒服 Panasonic 35-100 F2.8 少影左相,今年用得大機都有用佢,質數重量焦段影小朋友無得輸

負評

iPhoneX, 唔駛多講生在最多 bugs 的 iOS11, 所以無買佢仲跳船去華為。佢最大問題係無左 TOUCH ID, 大佬下下搵樣,唔掂囉,仲唔好講佢一堆的問題,算吧啦~

Macbook pro 13 touchbar 版,大大話話都用過幾代, 老實最差的 mbp 體驗,無左 magsafe usbc 下下插拔都大大力,唔得囉,做 iphone 開發仲要轉頭轉線去 lighting, keyboard 講就好左,但用落就知同之前差太遠,效能又見唔到有咩好到,touchbar 我好少睇住 keyboard 用電腦,搞到仲唔慣,用開 terminal 的仲辛苦,唯一 ok 的 是 size 真係細左,帶出街輕鬆左。

米家聲波電動牙刷,開頭用落唔錯,所以放佢負評最後,但用用下問題黎啦,對於我唔帶手機去洗手間的,發現好少用到藍芽 sync data. 佢就變返左支普通電動牙刷,而且係一支限住你刷幾耐的牙刷,佢有唔同 mode 同段數,係最後30s 可以黎個潔白 mode. 可惜有 bugs 成日無左最後 30s段, 搞到下下刷兩分鐘就停,不爽。個 bugs 仲成日出現,所以無法要入負評

-----------------

謝斐:

正評

Switch 的出現真的是一個Game changer,老任再次殺出遊戲界的紅海,不跟你鬥畫質,也不跟你鬥VR,只鬥遊戲性,Switch剛公佈之時沒有人看好,但推出之後是連本土也要抽籤購買。

華為P10 Plus, 作為iPhone 的長期粉絲,每每轉Andorid 都有一段水土不服的時間,但想不到華為的使用經驗真的不錯,尤其Andorid 系統日漸成熟,可能真的會威脅iPhone的地位,雙Lecia 鏡頭影相真的無得輸,我諗唯一買iPhone X 的原因應該只有Aniemoji 的份了。

AirPods, 估唔到過檔咗Android 都可以照用,Double Tap 一樣無問題!

石頭掃地機械人, 見到其他人推介就即買,我用嘅係第二代,感覺良好,家中有四隻貓,日日都有打掃嘅問題,用咗佢慳咗好多力(多咗時間打Switch),不過要差唔多兩日要換一次塵盒。拖地功能其實只係Nice to have,我覺得可以推介返買一代已經夠用。

負評

iPhone X作為Apple壓軸的one more thing 出現,理應技驚四座,但額頭設計,Face ID,OLED burn這些問題等問題一絕,另外作為旗艦機,Spec 居然完全和iPhone 8 一樣,(更別提iPhone 8其實是7s),令人不禁再次想到,"是不是不要買Apple的新出產品"呢?另外私心進入負評的原因是:"鄰近國家及地域"都早我們一個月可購買,完完全全突顯出澳門是第三世界地區吧?

-----------------

Alex:

五大讚:

小米掃地機器人:這個智能家電推出一年才入手,主要原因是觀望吧。以2000元不到的價格就可以有這麼完善的掃地機,耗材又不貴,加上它天天默默打掃而一星期才需要倒塵盒一次,實在是懶人恩物!

Nintendo Switch:有Zelda與Mario加持,2017下半年過得很歡樂,很適合大人細路一齊開心玩。希望2018年大作繼續不要停~ 液晶手寫板:聽起來很高科技?才不~上淘寶找一下就有,簡單來說就是接近不用電的電子草稿紙吧!用了10個月,省下不少草稿紙呢。

LG UJ63電視:這個年頭買電視,Netflix與YouTube app都是標準配置吧?但選它的原因,是縱觀現時所有牌子的4k HDR最低階系列中(就是最便宜),唯一手機app是能用又好用的(斜啤Samsung與Panasonic)!而且webOS與它的遙控也很好用!

Airpods:1月入手後,基本上每日用上最少兩小時!這一年,還經歷過洗衣機下禮(已有報告),以及可怕的遺失驚魂(Find my iPhone app果然能找到!),基本上所有賣點都沒誇大,能吹毛求疵的空間也沒多少,我給它第一位!

要鬧:

小米電視:很便宜沒錯,簡體字界面我忍了⋯可是,HDMI-ECE聯動是廢的,數碼電視節目表是殘的,沒法裝Netflix,每次開機還要看廣告?!我PASS了⋯

大熱倒灶:

iPhone X :很好沒錯,但就是沒買呀,硬要說原因的話,就是因為幫iPhone 7買了個原裝皮套,你懂的,皮革要有足夠時間才能養出滄桑感啊!

-----------------

羅斯

風風雨雨的一年,5大讚,

排名不分先後:

AirPods, 無咗佢唔掂. 價錢合理, 我哋都集體寫過佢唔入5大就係造馬啦!

Olympus OMD EM1 MKII, 幾年無買相機, 一買就停唔到手, 解決咗好多技術問題, 連拍, IOS等等已經係時代之作, 現在影個仔簡直手到拿來…(最後仲買埋40-150 F2.8真係心滿意足)

任天堂 Switch, 又係好耐無買遊戲機, 隻Zelda完全加深咗我同個仔嘅感情, 雖然今年起起跌跌,但科技真係可以令到個人都開心晒. Apple TV 4K, 兩部同款三星4k 49″電視, Netfilx, 都係帶畀我家人無限樂趣的科技產品.

Apple TV 4k 有HDR 加上可以租片睇, 又平又有4k, 真係開心死人, 一個颱風搞到我一年要買兩部電視真係人到癲, 但長期畀Netfilx供養夫妻感情真係值得再次投資.

Logitech FLOW – Craft Keyboard and Mx Master 2s, 依樣真係年尾最後敗家之作, Logitech FLOW依個系統解決咗我多年來的問題, 多電腦分享操作體驗, 因為年頭iMac放到Studio用, 自己就換咗Macbook Pro, 但又唔想買多個大mon, 家又無地方, FLOW真係一個好配套. 之後會出一編寫佢哋有咩咁勁.

One more thing:

Asus ZenScreen – MB16AC, 一個USB Type-A 加Type-C(display port) 移動電腦顯示器, 唔洗另外電源, 一插即用, 方便依類會到處去工作, 家中工作台又細嘅人. 等佢出A+C好耐了…

伏:

Surface Arc Mouse(2017) – 又貴又唔好用, 仲衰過我買個隻小米Mouse, 其實佢設計同品質都好好, 但根本無系統配套, 個touch pad浪費得好緊要…

好想買但又無錢買:

iPhone X 未用過唔知有咩唔好 😛 , Olympus 25mm f1.2, 兩樣嘢都係好多不正評, 但真係用過嘅人又話好喎, 期待2018年先買25mmf1.2 再入iPhone X(next).

-----------------

睇位各位極客心水之後,有無啲你都認同嘅呢?又或者你有咩心水推介,不妨留言同大家傾下吖!

Facebook 留言

則留言